ظاهرة الكراسي في الجوامع

من Ahmed Basim
عنوانه: https://www.facebook.com/ahmed.bassm80


السلام عليكم ورحمة الله اخواني اخواتي.. احب ان انوه على حالة جديدة ظهرت وبدأت تتكاثر بشكل ملحوظ في جوامع مدينة الموصل.. وهي

صلاة الكراسي...!!؟؟ لا ادري من افتى بهذا الكرسي واصحه في الصلاة.. وانا سأتكم بما يستفتيني قلبي.. سأروي لكم ما رأته عيني.. في شهر رمضان هذا بدأت تتفشى حالة غريبة للمصلين.. اغلبهم لا يعانون من شي.. وعلى الرغم من هذا فهم يصرون على جلب كراسيهم ليجلسوا عليها ويصلون..

في جامع المهاجرين.. الكائن في الشقق/ حي الخضراء.. اول ما يشد الانتباه الزوايا.. فهناك (سبلت عامودي) في كلا الزاويتين الاماميتين.. تجد امام السبلت كراسي.. جالسين عليهم رجال ( والله اقوى مني ومنك) وعلى الزاوية الاخرى ايضا كراسي.. واحب ان اتكلم بالعامية لعلى كلامي يصل ويفهم .. (يعني والله عيب.. اولا الصف الاول اللي تكلم عليه الرسول محمد صل الله عليه وسلم: لو علمتم ما في الصف الأول لتقاتلتم عليه بالسيوف)) ما ادري يعني الجامع صار عبارة عن نادي رياضي ديني.. يجي المصلي وجايب وياه كرسي.. والغرض حتى يخلي وجه مباشرة اما السبلت العامودي.. خطية لان اذا يكعد بالارض ما راح يجيه هوا بارد.. وبعدين تعال اكلكم انتو ماشاء الله اشو ما ناقصكم شي لا ايد ولا رجل.. يعني ما تكدر حضرتك تسجد لرب العالمين.. واذا كدرت تقنعنا انك انت مريض وخطية ما تكدر.. شلون راح تقنع رب العالمين .. ارجوا من الائمة والخطاء.. على الاقل ينوه اللي يجيب معاه كرسي خلي يكون بالصف الاخير.. لان الصف الاول هو واجهة المصلين امام الله.. بلة شلون صلاة جماعة وبدايتها كراسي على مود خضراتهم يدورون سبلت .. مو عيب.. ما تخجلون امام الله.. حاطين كراسي.. يعني رب العالمين ينظر النا بهذي الصورة.. اني اذكر ان اللي رجليه مكطمة بالحرب يجي على الكرسي مال معوقين مالته ويصلي بالنهاية.. اما اللي ما يكدر ينحني.. يصلي هو وجالس بالارض.. مو على كرسي.. بعدين في زمن الرسول صل الله علية وسلم كان اكو كراسي.. اي والله اهل الموصل خجلتونا.. اذا كاعدين تستعرضون الصلاة عادة مو عبادة فكلولنا حتى بعد ما نروح على جوامع بيها ممثلين.. والله اليوم الجمعة الكراسي بالساف الاول واصلة للنص.. ما ظل شي وتصير كهوة.. خوفي لا اروح فد يوم واشوف الامام مالتنا ديصلي بينا على كرسي.. بس اني عندي اقتراح للوقف السني.. خلي تجيب مصاطب وتصفطها ابدال السجاد.. وحتى نجي ويانا النركيلة ونصلي مثل المسيح.. مو هيج.. احد سواق التكسي وفي نفس الحديث اني وياه كلي انو في جامع ما جايبين بالنهاية (قنفة) ويكلك يوما يجي عليها واحد يتمدد وما يكوم منها الى من يسمع نهاية اقامة الصلاة.. خلي نتبرع ابدال الزكاة بطانيات لا يبرد مو احسن..ياريت من يقرا الموضوع يسويله شير وحتى يعرفون وين وصل بينا الانحطاط.. مو بس الامن والسلام .. وصلت للصلاة والعبادة.. عجيب اهلج ياموصل.. عيش وشوف.. خزيتونا.

سنقوم بتوجيه ائمة المساجد بهذا الخصوص في الملتقى الإرشادي القادم الذي يعقد شهريا لأئمة وخطباء نينوى ان شاء الله

راجع إمام او خطيب جامع المهاجرين بخصوص شكواك رجاءا

Ahmed Basim كتب: عجيب اهلج ياموصل.. عيش وشوف.. خزيتونا.

ارجو من الإخوة المواطنين الكرام الذين لديهم شكاوى الإلتزام بأدب الحوار حتى لا نضطر لإقفال هذه البوابة التي تسمح لكم بإيصال اصواتكم للمسئولين رجاءا

من Ahmed Basim
عنوان: https://www.facebook.com/ahmed.bassm80

ماذا تقصد و اين هذا؟

في جامع المهاجرين
حي الخضراء الشقق
تعال وشوف بنفسك اذا تحب
يصرون على الكراسي
في ليلة القدر وبالتحديد في فترة الاستراحة من صلاة التسابيح.. الجالسين على الكراسي وبشكل سافين .. جالسين ويتحدثون ويضحكون.. والله المنظر يوحي الى مقهى..
لاحول ولا قوة الا بالله
هذا هو حال مساجدنا اليوم
انا لله وانا اليه راجعون

راجع خطيب جامع المهاجرين يوم الجمعة
هو يفهمك كل شيء